Indran's Tamil Blog: கணவன் மனைவி சண்டை திருமண உறவைப் பலப் படுத்துமா

<div dir="ltr" style="text-align: left;" trbidi="on">
ஒவ்வொரு மனிதனும் ஒவ்வொரு மாதிரி. ஒரே கருத்து எல்லா விஷயங்களிலும் உள்ள இருவர் இவ்வுலகில் இருக்கவே முடியாது-அவர்கள் பிறப்பால் இரட்டையர்களாக இருந்தாலும். ஒவ்வொருவரும், வித்தியாசமான விருப்பு, வெறுப்பு உடையவர்கள். உங்களுக்கு முக்கியமானவைகளாகத் தோன்றும் சில விஷயங்கள்  மற்றொருவருக்கு அற்பமாகத் தோன்றும்.  உங்களுக்கு அழகாகத் தோன்றும் ஒரு விஷயம் மற்றொருவருக்கு அசிங்கமாகத தோன்றும் என்பது நிஜம் -அது உலக அழகி 'ஐஸ்வர்யராய்'   ஆகவே இருந்தாலும்.  அப்படி இருக்கும் போது எங்கோ பிறந்து எங்கோ வளர்ந்து பின் திருமணத்தில் இணையும் ஒரு ஆணும் பெண்ணும் எப்படி சண்டை சச்சரவுகள் இல்லாமல் இருக்க முடியும்? சண்டை என்பது கணவன் மனைவிக்குள் தவிர்க்க முடியாதது. சிலர் கணவன் மனைவிக்குள் ஏற்படும் சண்டை அவர்கள் உறவைப் பலப் படுத்தும் என்கிறார்கள். கணவன் மனைவி சண்டை திருமண உறவை உண்மையில் பலப் படுத்துமா? மேலே படியுங்கள்..... 
 
<div class="separator" style="clear: both; text-align: center;">
<a href="http://cdn.morguefile.com/imageData/public/files/k/kathe/preview/fldr_2004_08_18/file000717272965.jpg" imageanchor="1" style="margin-left: 1em; margin-right: 1em;"><img border="0" height="267" src="http://cdn.morguefile.com/imageData/public/files/k/kathe/preview/fldr_2004_08_18/file000717272965.jpg" width="320" /></a></div>
 
கணவன் மனைவிக்குள் சண்டை இல்லாமல் வாழ்வே முடியாதா? ஏன் முடியாது? அபூர்வமாக ஒரு சில தம்பதியர் சண்டையே போடாமல் வாழ்ந்து கொண்டுதானிருக்கின்றனர் இன்றும். எப்படி அவர்களுக்கு மட்டும் அது சாத்தியம் ஆகிறது?  அவர்கள் ஒருவர் மீது ஒருவர் நிபந்தனை அற்ற  அன்பு வைத்து இருக்கின்றனர். தங்கள் துணையை அவர்களின் குறை நிறைகளோடு அப்படியே ஏற்றுக் கொண்டிருக்கின்றனர் என்பது தான் உண்மை. இன்னும் சொல்லப் போனால் அவர்களின் குறைகளைக் கூட அவர்கள் நிறைகளாக இரசிக்கும் பக்குவத்தில் இருப்பார்கள். அப்படியே சிறு சிறு சண்டைகள் போட்டாலும் அவர்கள் அவற்றை நொடிப் பொழுதில் மறந்து மீண்டும் சகஜ நிலைக்குத் திரும்பி விடுவார்கள். அது எப்படி முடிகிறது அவர்களுக்கு மட்டும்? 
 
அவர்கள் கணவன் மனைவி  உறவுக்கு பெரும் மதிப்பு அளிப்பவர்கள். அவர்களைப் பொருத்தமட்டில் அவர்களது துணை தான் அவர்களது வாழ்க்கையே. அவர்கள் தங்கள் துணையிடமிருந்து அதிகம் எதிர் பார்க்க மாட்டார்கள். ஆனால், அவர்களுக்கு அதிகம் கொடுக்க நினைப்பார்கள். அதற்காக மெனக் கெடுவார்கள்.  
 
ஒவ்வொருவரும் தங்கள் துணையிடமிருந்து அதிகமாக எதிர்பார்த்து திருமணத்தில் நுழைகிறார்கள். தனது கணவன் அல்லது மனைவி தங்கள் வாழ்க்கையை முற்றிலும் மகிழ்ச்சிகரமானதாக மாற்றி விடுவார்கள் என்ற அதீத கற்பனையோடு திருமணம் செய்துக் கொள்ளுகிறார்கள். எதிர்பார்ப்புகள் நிறைவேறாத போது பெருத்த ஏமாற்றம் அடைகின்றனர். ஒரு கட்டத்தில் வேறு ஒரு நபர் தமது எதிர்பார்ப்புகளை பூர்த்தி செய்வார் என்று தப்புக் கணக்குப் போடுகின்றனர். அவர்கள் 1000 திருமணம் செய்தாலும் முடிவு தோல்வியாகத் தானிருக்கும். 
 
கணவன் மனைவிக்காகவும் மனைவி கணவனுக்காகவும் வாழ்ந்தால்  சண்டை சச்சரவுகள் எப்படி வரும்? 
 
கணவன் மனைவி சண்டை திருமண உறவைப் பலப் படுத்தும் என்று சிலர் சொல்லுகின்றனர். அதாவது அவர்கள் சண்டையிடும் போது அவர்களின் மனதில் உள்ளவற்றை கொட்டி விடுவதால் அவர்களால் மீண்டும் இயல்பு நிலைக்கு எளிதில் வந்து விட முடியும் என்பது அவர்களின் வாதம். சண்டை போடாமல் மனதிற்குள்ளேயே வைத்து இருந்தால் அது ஒரு நாள் பெரிதாக வெடிக்கும் என்பது அவர்களின் கருத்து. சிறு சிறு சண்டைகளாக இருந்தால் அது சரியாக வரும். பெரிய சண்டைகல் அடிக்கடி  வந்தால் அது உறவை பலப் படுத்தாது. மாறாக உறவை பெரிதும் பலவீனப் படுத்தி விடும் என்பது தான் உண்மை.  
 
என்னைப் பொறுத்த மட்டில், கணவன் மனைவி இடையே சண்டையே வரக் கூடாது. அது எப்படி சாத்தியம் என்கிறீர்களா? ரொம்ப எளிது. கணவனுக்கு மனைவிக்கு பிடித்தவை என்னென்ன பிடிக்காதவை என்னென்ன என்று நன்றாகத் தெரியும். அதே போல் தான் மனைவிக்கும் கணவனுக்கு பிடித்தவை என்னென்ன பிடிக்காதவை என்னென்ன  என்பது நன்றாகவேத் தெரியும். கணவன் மனைவிக்கு பிடித்தவற்றை மட்டும் செய்ய வேண்டும். பிடிக்காதவற்றை செய்யவே கூடாது. அதே போல் தான் மனைவியும் கணவனுக்கு பிடித்தவற்றை மட்டும் செய்ய வேண்டும். பிடிக்காதவைகளை செய்யக் கூடாது. 
 
பிடித்தவற்றை செய்கிறீர்களோ இல்லையோ, ஆனால் நிச்சயம் பிடிக்காதவற்றை செய்யவேக் கூடாது. 
 
இது பார்ப்பதற்கு மிகவும் எளிதாகத் தோன்றினாலும் நடைமுறையில் அவ்வளவு எளிதானது அல்ல என்பது நிஜம். எந்த ஒரு வெற்றிக்கும் அல்லது சந்தோஷத்திற்கும் நாம் உழைத்தாக வேண்டும் அல்லவா? உங்களுக்கு உண்மையில் உங்கள் கணவன் அல்லது மனைவியோடு உயிருக்குயிராய் வாழ வேண்டும் என்று நினைத்தால் அதற்காக கொஞ்சம் கஷ்டப் படத்தான் வேண்டும். 
 
 பிரச்சினை என்னவென்றால் எல்லோரும் தாங்கள் எதுவும் விட்டுக் கொடுக்காமல் தனக்கு மட்டும் தன் துணை எல்லா விஷயங்களிலும் விட்டுக் கொடுக்க வேண்டும் என்று பேராசைப் படுவது தான். 
 
அப்படி கொஞ்சம் விட்டுக் கொடுத்து மட்டும் வாழப் பழகி விட்டால் வாழ்க்கை சொர்க்கமாகிப் போகும் என்பதில் எந்த ஐயமுமில்லை. அவர்களை விட அதிர்ஷ்டசாலிகள் வேறு யாரும் இருக்க முடியாது. எப்படி பட்ட துன்பங்கள் அவர்கள் வாழ்க்கையில் வந்தாலும் அவர்களால் அவற்றை எளிதாக எதிர்கொள்ள முடியும். எந்த நிலையிலும் அவர்களால் சந்தோஷமாக வாழ முடியும். அன்று தான் கல்யாணம் ஆனது போல் அன்னியோன்யமாக என்றும் வாழ முடியும். 
 
வாழ்க அத்தகைய ஜோடிகள்! கணவன் மனை உறவு என்பது அற்புதமானது. புனிதமானது.அதை விட உயர்ந்தது இவ்வுலகில் எதுவும் இருக்க முடியாது என்பது என் கருத்து. 
 
வாழ்க வளமுடன்! 
 
<a href="http://indrantamil.blogspot.in/2015/06/blog-post_15.html">காமத்தை கட்டுப் படுத்தத்தான் வேண்டுமா?</a> 
 
<a href="http://indrantamil.blogspot.in/2015/02/blog-post_20.html">திருமணத்தை முடிவு செய்யும் சில விஷயங்கள் </a> 
 
<div class="separator" style="clear: both; text-align: center;">
<iframe width="320" height="266" class="YOUTUBE-iframe-video" data-thumbnail-src="https://i.ytimg.com/vi/66bSOmZW45k/0.jpg" src="https://www.youtube.com/embed/66bSOmZW45k?feature=player_embedded" frameborder="0" allowfullscreen></iframe></div>
 </div>

கணவன் மனைவி சண்டை திருமண உறவைப் பலப் படுத்துமா?

ஒவ்வொரு மனிதனும் ஒவ்வொரு மாதிரி. ஒரே கருத்து எல்லா விஷயங்களிலும் உள்ள இருவர் இவ்வுலகில் இருக்கவே முடியாது-அவர்கள் பிறப்பால் இரட்டையர்களாக இ...